七點八起身，八點九去食早餐，四星酒店嘅早餐果然豐富好多！食到我同拾爺好滿足！
食到九點半，番上房整理行裝，十點鐘出發！法國嘅行程就由我plan，到德國就輪到拾爺喇。拾爺故作神秘，唔肯話我知會帶我去邊……差唔多到達目的地時，只見一大堆人群圍觀緊……parade，好熱鬧呢！
往第一景點途中見到呢間屋幾靚，所以影低佢。
小朋友都一齊睇parade！
其實我哋唔知點解會有parade，唔知佢哋慶祝啲乜……只見有花又有蔬果。
市民可以上前要花。
又或者會有parade人士主動送花。
我見有啲人會行去parade嘅車輛到要花，於是要拾爺去幫我要一紮。之後，又有呢啲車輛出現，拾爺叫我自己去拎……我怪佢不知情識趣，花當然應該係佢送我，而唔係要自己我自己去要，但拾爺話要幫我影相喎。
貪玩嘅我又學人要花。
噢！有人嚟做訪問呀！
睇 完parade後，拾爺終於開估，佢係要帶我去Viktualienmarkt。當然，parade只係一個bonus，拾爺事前並唔知道會有呢一幕。呢 個market有唔同嘅攤檔，有賣花嘅，dried food嘅，果汁嘅，仲有個少少嘅beer garden俾人坐低吓嘢飲番杯，好不熱鬧！
離開Viktualienmarkt，拾爺又帶我另一景點，當然，我又唔知去邊架啦。
往另一景點途中。
喺德國，生果擋係擺街邊架！
唔知間教堂叫咩名，但見個ceiling幾靚，所以入去影吓相。
不知名嘅教堂內。
到 達Neues Rathaus，拾爺開估，話要等到十二點睇glockenspiel dance。等緊嘅時候，有一班人喺到演奏音樂，之後仲同人群合照。我同拾爺當然又學人上前要求合照啦！當我影相時，對方將自己嘅帽放喺我頭上，到拾爺 時，佢要求要人手中嘅beer。(不過，相，就唔放出嚟喇。)
Neues Rathaus
終於等到十二點，大家都曬住咁欣賞glockenspiel dance。
其實所謂嘅glockenspiel dance都只係啲公仔轉轉轉。
睇完glockenspiel dance，我同拾爺就隨便四處走走，入咗Neues Rathaus入面參觀吓，原來入面都幾靚架喎！
Neues Rathaus內嘅餐廳
喺Neues Rathaus入面，拎住頭先向人要嘅花影相，可惜今日著錯衫……
離開Neues Rathaus，拾爺就帶我去開飯喇！其實……我哋都唔肚餓，因為早餐食到好飽！不過，間餐廳係拾爺喺網上見到好評如潮嘅，出發前已經躍躍欲試，所以就算未肚餓住，都兩個人share一碟餸咁食。
太口渴，好彩街邊都有drinking water飲啫。但我飲咗一啖，飲到自己支handcream味先醒起自己今日搽咗handcream，未洗淨對手就急急用嚟裝水飲添……
前往Hofbräuhaus前見到間屋好靚！
Hofbräuhaus係間好大嘅餐廳，而且係景點之一，好多人入去睇吓參觀吓，但唔係幫襯……不過，自出自入嘅餐廳有好處，就係可以免費去洗手間喇。
我同拾爺喺地下嘅位置花咗一段時間先可以自行搵咗個位坐低，但等極都冇人收拾餐枱……過咗十幾分鐘，喺我再三催迫下，拾爺終於搵咗個waiter，但對方表示要時間執枱，叫我哋上二樓去……
地下感覺似一個室內嘅beer garden，裝修平民，但真係坐無虛席。
餐廳地下氣氛很好，有樂隊演奏。
二樓裝修雅緻。
二 樓同地下嘅裝潢好唔同，如果地下係俾三、五良朋歡敍嘅地方，二樓就係俾情人談心嘅地方。我倆揀咗窗口位坐低，點咗一份咸豬手同一杯冇酒精嘅啤酒。因為我同 拾爺都唔飲酒嘅，但嚟到德國拾爺又覺得不能不試啤酒，俾佢喺menu發現有不含酒精成份嘅啤酒，佢當然唔會錯過一試嘅機會啦。
Hofbräu Non-alcoholic Wheat Beer (€3.95)﹕就算冇酒精，我都唔鍾意飲……啤酒真係好苦……
Crispy roasted knuckle of pork (€12.9)﹕拾爺話網上啲人講到呢到嘅豬手好好食，我覺得實在過譽了……豬手唔係唔好食，但唔係好好食囉……
跟餐嘅係potato dumpling，口感堅堅韌韌，似係薯仔撈埋糯米而成。
拾 爺趁我去洗手間時，撩坐隔離枱嘅伯伯傾偈，對方解釋佢知啲啤酒名代表啲咩啤酒，但聽完我哋都一片混亂，一時又話係white beer，一時又話叫做white beer但又唔係white beer……點都好喇，伯伯都好熱情，仲話我哋好彩，早幾年呢個時候嘅Munich係落雨架，但我哋今年嚟到好好天。
指定動作﹕餐廳評級為so so。
拾爺原本plan咗shopping時間俾我，但我冇乜shopping mood，喺Munich見到嘅唔係連鎖店就係專賣老土sovenir嘅舖頭，兩者都冇乜興趣……拾爺見我冇興緻買嘢，就提議行吓Hofgarten。
往Hofgarten途中……
名符其實嘅發花癲照片一幀。
呢種球類運動之前喺St Paul都見過有人玩，不過唔知叫咩名同點玩……
其 實行緊去公園時已經好口渴，以為去到公園會有drinking water，點知……搵極都搵唔到……噚日搭飛機嚟Munich，水樽都喺Nice丟棄哂，冇水樽，所以冇帶水出街……想唔到嚟到德國，天氣一樣咁熱，渴 死我哋喇……然後，當我哋打算快快脆脆兜完一圈後，就去買水飲時，俾我哋見到有drinking water呀！其實初時都唔sure，只見有人飲用，但飲用嘅都係tourists，拾爺怕佢哋其實都係唔知頭唔知路，所以就問咗坐喺附近嘅一個伯伯，伯 伯話飲得，我哋就好似放監出嚟咁狂灌水。
渴死的人有水了！
我哋實在太口渴，飲完一round又一round，兩個人輪流咁飲，我估其他人見到我哋就覺得我哋寒酸，明明隔離就有餐廳，可我哋就係唔捨得花錢坐低飲番杯。因為我哋喺到飲咗太多水，我哋決定要影番張相留念。本來係兩人各自一張獨照，但伯伯主動提出幫我哋揸機。
離開公園行番酒店途中，我哋已經又開始口渴……咁落去唔係辦公法，我哋喺德國總要有個水樽方面裝水出街飲，於是就番去Neues Rathaus附近嘅百貨公司地底嗰層間超市買水，點知……呢到啲水超貴！喺法國1.5L嘅水€1都唔駛，但呢到賣成接近€2……實在買唔落水……後來見到100% juice都只係€1.99，喺香港呢個價錢絕對買唔到，性價比高好多！我記得附近有drinking water提供，於是提議買支果汁飲哂佢，再拎佢去裝滿drinking water。
飲完果汁，拾爺就去裝水，之後就行番酒店休息。途經生果擋，見到價錢合理，於是就買咗黑桑子、車厘子同士多啤梨喇。
車厘子好大粒！不過，食過之後，其實味道一般……
黑桑子從來都唔係我杯茶，食咗一粒我已經冇再食。反而對之我一向都唔瘋狂嘅strawberry好好食！好甜，都幾大粒。喺到買strawberry係唔可以揀要邊盒架，老闆隨意拎俾我哋，但成盒都冇一粒strawberry係壞唔食得嘅，老闆算有良心了！
回酒店途中見到有啲人衝入噴泉降溫。
喺酒店抖咗陣，我同拾爺喺六點半又再出動，食dinner去是也。拾爺一早鎖定兩間餐廳，兩間位置相近，我哋去到先望望餐廳環境，再睇睇menu，最後決定幫襯Faun。
因 為餐廳出面嘅坐位都被坐滿，加上又係對住馬路，我同拾爺對坐出面嘅興趣不大，所以揀咗入室內坐，餐廳好好，俾我哋自己揀位，我哋揀咗張大枱。 Waitress嚟到招呼，我哋要求一份English menu，佢好快送到。我哋問佢俾意見，佢都樂意回答，最後我哋點咗一份salad同一份main dish，當然，拾爺又要飲beer啦，仍然係冇酒精成份嘅。
Weissbier Alkoholfrei (€3.5)﹕好飲過今日晏晝嗰杯，但仍然唔係我好之物……
Salatteller Faun(€9.9)﹕呢個house salad真係好食到不得了！材料多，份量夠，10歐都唔駛就俾幾隻蝦你，童叟無欺耶！唯一不足係啲蝦略嫌鹹咗少少，但整體仍然係好好食！
跟salad仲有小食，個toast好脆，面層嘅tomato酸酸甜甜，名符其實嘅開胃小吃。
Schweinsbraten (€10.5)﹕Waitress介紹嘅地道菜，其實係豬肉嚟嘅，total有三塊，三塊都唔同厚度，以最薄同仲多肥膏嗰塊最佳！有少少入口即溶之感，最厚一塊就嚡咗啲……
跟main dish嘅唔知乜東東，唔好食……好酸……
食食吓嘢，突然風雲變色，好多坐出面嘅食客都入哂嚟……望望個天，又冇落雨喎……但心感不妙，都係快快食完番酒店。
指定動作﹕餐廳評級為Good呀！
離開餐廳，番緊酒店時，個天開始落雨……是晚更係雷雨交加……唔知聽日天氣如何呢﹖
Eat, Play, Love 