過份

我﹕你睇吓 (展示大脾近pat pat位嘅三撻蚊「難」)，我俾蚊咬咗三撻，好痕。
老公(睇完)﹕係喎！好喇，摸完pat pat快啲洗番手。
我﹕呢到唔係pat pat嚟架喎！
老公﹕係喎，唔係pat pat，係頭！

海老名沾麵

之前喺網上睇到長沙灣開咗間沾麵店，我一向鍾意食拉麵，雖然拾爺覺得一碗拉麵收費接近一百，但又坐得唔舒服，唔值，但因為我呢排唔開心，所以拾爺都肯陪我嚟試。

我哋喺人家差唔多落場前殺到，好彩店家仍然招呼我哋。

小店面積好細，只有幾張凳仔。

身後有位置掛袋。

食客可以望住師傅煮麵。

呢到提供外賣拉麵，但只有三款揀，而且同堂食嘅選擇唔一樣。

坐低，我同拾爺就先揀麵。

枱面佈置，有幾隻醬油。

進食指引

因為係沾麵，所以湯同拉麵係分開上嘅。麵質都算幾彈牙，但又唔覺得特別好食……

海老醬油つけ麵 ($78)﹕呢個係蝦汁醬油沾麵，味道為3款沾麵中最淡嘅，不過，食慣淡嘢嘅拾爺仍然嫌佢味道太濃……但我就覺得味道淡咗啲……

海老味噌つけ麵 ($88)﹕呢個係蝦汁味噌沾麵，味道較濃，本來係拾爺點嘅，但佢嫌太濃，所以同我交換咗嚟食。我其實都覺得呢個麵嘅湯底有啲過鹹。

食完拉麵，同師傅講聲，佢會加湯落我哋個湯底到，然後我哋就成碗湯飲咗佢，但因為拾爺覺得個湯太鹹，所以要求再加湯底去溝淡佢，可惜，佢加完都係覺得太鹹……

埋單$166，試一次便夠！

餐廳資料：
海老名沾麵
長沙灣元州街213號美居中心20號舖
3954 5528

 

Staub

最近迷上萬寧嘅換購Staub活動，拾爺成日話屋企冇地方擺，想阻止我換購，但每次我一嗲佢，佢就心軟俾我換，結果，換到以下成果！

其實仲有兩個鍋未換，但屋企個廚房真係太細喇，冇位擺喇……我要收手喇！

懷念

哥哥按下按鈕，爸爸便被送進火爐，化為灰燼。我不願意當此重任，寧可選擇代表一眾兄弟妹，於爸爸的安息禮上致懷念詞。教學多年，早已練成不怯於人前講話的本領，但，負責這個致詞，卻讓我心亂如麻了好一陣子。聲線、語調、用詞非我擔憂之列，始終，對著一班人講話，是我每天重覆所做之事，可謂駕輕就熟。我只為內容而感到煩惱，懷念詞很個人，沒有範文，內容如何才為恰當﹖我該將爸爸的一生向聽眾娓娓道來，還是分享自己對爸爸的感覺﹖慚愧的是，我對爸爸的事並不太熟悉，小時候他需於內地工作，甚少回家，我們很少交談，我亦不清楚他的工作及平時的生活習慣。既然不能選前者為題，我就只能分享自己對爸爸的感覺。我不是一個善於對家人表達關愛之情的人，當年結婚亦沒有於台上感謝父母，此時此刻，要為亡父送上懷念詞，突然百感交集，不知從何說起。與爸爸的關係，是自他患病後變得親密，我的分享亦集中該段時期，一邊回憶那些年的片段，一邊撰寫致詞，一邊拭淚，所以丈夫不贊成我做代表，他怕我演講時哭，人家完全聽不進一字一句。完成致詞，戰戰兢兢將之交予兄弟妹審批，細妹及嫂嫂表示致詞差點把她倆弄哭。安息禮舉行前，我一直不敢練習致詞，直到當天早上，才不得已於家中練習一次，果然，爸爸去世兩星期，我還是未能按捺情緒，邊讀邊哭。

致詞前一刻，我竟然有點緊張，多年的教學功架，一時間竟蕩然無存！然後，一向不習慣對稿直讀的我，走到台前，放下「貓紙」後，便自由發揮起來。我不是不想照著稿件而讀，只是淚水早已矇糊雙眼，我再看不到自己所寫的一字一句，唯有把心中所想，傾巢而出，加了一些當下的感覺，亦忘卻一些與父親的點滴。無論我致詞的表現如何，總算講出內心所想，藉此懷念父親，希望他於天家能夠安息。