仍然冇退到錢俾我！我已經唔想再自己打去嘈，我email多次佢個customer service，再喺facebook到send message，如果佢哋唔主動contact我，我會查吓旅協同消委會邊個會接受我個投訴。我同拾爺都覺得呢個唔係錢嘅問題，係道氣嘅問題！
Category Archives: 走過浮華大地
2015 西葡之旅 Index
做好準備﹕
踏破鐵鞋無地圖﹕
1. 西葡行程大要 (一)
2. 西葡行程大要 (二)
3. 西葡行程大要 (三)
4. 西葡行程大要 (四)
衝上雲霄﹕Emirates Airline + TAP Portugal
「A+」酒店﹕
1. Barcelona住宿
2. Porto住宿
3. Málaga住宿
4. Granada住宿
5. Lisbon住宿(一)
6. Sevilla住宿
7. Lisbon住宿(二)
超唔掂嘅Expedia！
話說我1月嘅時候，through Expedia訂咗間首爾嘅酒店，但後嚟發覺間酒店唔太ok，於是打電話去取消個booking。我打電話去customer service做取消時，問過個staff係咪唔會有任何charges，佢答我係！我再confirm一次唔會有任何charges後，先同意取消。點知……當我2月收statement時，發現佢退唔足錢俾我！雖然差額只係廿零蚊，但我唔忿氣！於是，我再打上去質問佢哋點解退唔足錢俾我！對方話呢個係國際手續費。我同佢講之前打嚟時，佢哋個staff同我講話唔會收任何費用，佢就叫我attach埋張statement，再send email去佢哋公司。咁我就即刻send email啦，之後，即時收到佢哋confirm收到我email嘅email，仲承諾48小時內覆我。結果，72小時後，我都仲未收到email……我再send個email去催佢哋，佢哋先覆我，但係叫我打電話去customer service……我再打電話，講番發生咩事，對方先幫我即時處理退款事宜。
事隔成個多月，收到之後兩個月嘅statements，都冇退款金額。頭先再打上去，個staff又講一大堆國際手續費嘅廢話，我忍住唔爆咁同佢講佢間公司一早應承幫我退款，亦表示做咗有關手續，但我仲未收到錢。佢就話我冇send statement俾佢哋，我即刻串佢頭先check番record時，先話公司有收到我send過去嘅email，亦見到公司係有收多我錢。之後，佢就話會幫我做處理，我質問佢點解上次打嚟佢公司個staff明明話幫我做咗退款，但最後又冇錢退，佢竟然話冇記錄公司有處理過我個refund case！呢部人肉錄音機不停重覆話見到公司收多我錢，筆錢係咩用途，然後話可以人手退俾我云云，基本上問佢咩，佢都係答呢堆嘢……我都費時嘥gas同佢講。
最後，佢仲唔知係咪玩嘢哋hold咗我超過15分鐘，過要搞人手退款，上次秒殺咁搞掂 (不過，最後原來冇做……)，今次就搞咁耐……收線前，我問佢叫咩名，話收唔到錢再搵佢，佢就驚死咁問我點解要問佢個名，又話內線transfer唔到俾指定staff云云。
今次再收唔到錢，我都唔知自己仲有冇耐性去嘈佢，畢竟銀碼太細，我個time cost仲高！但呢間嘢我呢世都唔會再幫襯！
2015 澳門之旅 Index
2015 韓國之旅 Index
飛自遊:
型格食「住」指南:
首爾:
1. Ramada Encore Seoul Dongdaemun
2. 北村韓屋民宿
型格「食」住指南:
釜山:
1. 一品名家
2. 五福蔘雞湯
3. 機張市場
4. 월남쌈구이&샤브
慶州: Miso Food
首爾:
1. Pho Duck
2. Kongbul
3. 八色烤肉
5. Coffeenie
6. 學林茶房
7. 김家네
8. 陳玉華奶奶元祖一隻雞
9. Ediya Coffee
10. 完소
11. 馬場洞畜產品市場
12. Why Place Cafe
13. 傳統茶院
14. 大瓦房
15. 土俗村人蔘雞
16. 儒林面館
18. 摩休敦納
做好準備:
衝上雲霄:
1. 香港快運
2. 都是我的錯
3. 步步驚心
潮拜購物狂:
1. 羽絨 + 手襪
2. Adidas
3. 冷帽 + 頸巾
4. 運動褲
5. Adidas (二)
6. Hoodies
7. 抓毛外套
「A+」酒店:
1. 釜山住宿
3. 首爾住宿 (Gangnam Serviced Residences)
4. 河回住宿
5. 河回住宿 (二)
2014 巴爾幹半島之旅 遊記index
之前講過因為blog容量就爆，所以遊記要搬家，有興趣睇嘅朋友，可以click以下嘅links﹕
(想要更快得知遊記update，可以like遊記嘅facebook page﹕80後窮遊世界)
飛自遊﹕
型格食「住」指南﹕Fira﹕
1. Villa Toula
Oia﹕Old Oia Houses
Mykonos﹕Magas Hotel
Athens﹕
1. Ariston Hotel (first night)
Meteora﹕Pyrgos Adrachti
Dubrovnik﹕Apartment Giron
Mostar﹕Apartments Konak
Sarajevo﹕Youth Hostel Ferijalac
Hvar﹕Rooms Vinka Tudor
Split﹕Apartments Antonia
Nacionalni Park Plitvicka Jezera﹕Hotel Bellevue
Zagreb﹕Palace Hotel Zagreb
Ljubljana住宿: Hotel Lev
Venice: Ca’ Angeli
型格「食」住指南﹕
Fira﹕
2. Mama’s House
Oia﹕
1. small Café
2. Lolita’s
Mykonos﹕
1. Gelateria
2. M-eating
Athens﹕
1. Hotel Nana
2. Epat
Meteora﹕
Dubrovnik﹕
2. Gossip
3. Mimoza
4. Proto
Mostar﹕
1. u.r. Lasta
Sarajevo﹕Dzenita
Split﹕Luna
Hvar Island﹕
2. For
Zagreb﹕American Steakhouse and Grill
Ljubljana﹕
1. Cacao
2. Julija
3. Valvas
Lake Bled: Panorama
Venice: Marciana Ristorante
做好準備﹕
1. 衝上雲霄 + 「A+」酒店﹕Emirates Airline, Ljubljana + Oia住宿
2. 衝上雲霄﹕Aegean Airline (前往 Santorini)
4. 載得有情人﹕DRD (Ljubjana 至 Venice)
9. 「A+」酒店﹕Fira住宿 (Confirmed!!!)
10. 十萬噸情緣﹕Blue Star Ferries (Mykonos 至 Athens)
11. 鐵道行﹕Trainose
13. 鐵道行﹕Trainose
14. 潮拜購貨狂
出發前準備
每年暑假旅行前幾日，我同拾爺都忙到癲！去旅行駛錢，去旅行前駛得更多錢！年年都要添衣去玩，今年好乖，冇買相機，但就要周圍撲我哋部S90嘅電！(只剩一粒原裝電，搞到冇得替換……)去咗幾間百老匯同豐澤都空手而回……好彩今日食完嘢，行出去見到中原，拾爺提議入去睇睇，結果買到一粒代電！S90唔駛被迫退役喇！
早幾日，捉住拾爺行街買衫，呢幾年都愛買Addidas嘅tee，之前睇中咗件藍色tee，想話等出咗張AE card先買，終於出到card喇，件衫卻賣到斷碼咁滯……The One間冇咗，朗豪坊又冇，新世紀間仲離譜，同我講全線斷我要嘅碼！其實我曾經喺運動家見到，但俾錢前一刻，拾爺又嫌棄件衫係display，仲扣過防盜裝置，搞到我冇買到，想話睇吓新世紀間Addidas專門店有冇。當新世紀間Addidas嘅sales同我講佢哋全線斷碼時，我即刻撲番去運動家，卻眼白白睇住件衫被另一個女人買咗！我嗰刻真係好唔開心！於是，我打俾拾爺，迫令佢一定要放學後到九龍灣幫我搵！拾爺當然萬般唔願意，但我當時怒火中燒，佢完全冇得say no！好彩我叫佢去睇吓，真係俾佢搵到，仲要有新貨！失而復得嘅感覺真好！拾爺話我好多Addidas嘅衫，我話自己可以做代言人，佢即時表示佢自己可以做間條代言人……對！拾爺真係有好多條子衫呢！
除咗衫同電，今日仲去咗掃防曬，就拾爺一人，已經買咗一支搽臉、一支body同一支游水用嘅，而我，就為咗拎盡HSBC嘅優惠 (今個禮拜rebate quota已用盡！)，聽日先去再買！
因為呢個blog太多相，我已用咗接近七成嘅容量，所以嚟緊所有有關去旅行嘅post (舊嘅都會搬過去，但有comments嘅我唔捨得delete，會改為純文字post，減少呢個blog嘅容量。)，我都會搬到以下個blog，我仲同佢開咗個facebook page添，大家請賞臉visit吓同like吓個page啦！
Blog﹕https://loveeatplay.wordpress.com
Facebook﹕https://www.facebook.com/pages/80%E5%BE%8C%E7%AA%AE%E9%81%8A%E4%B8%96%E7%95%8C/408006792675131
2014 希臘 + 克羅地亞跳島之旅 – 預備篇 (Transportation: 四)
今日嘅心情猶如坐過山車一樣……今日學識咗要小心網上嘅旅遊教路，多做資料搜集，睇多少少，唔好盡信一人之言，因為呢個世界原來真係會有人識少少扮代表，喺blog到寫到繪影繪聲，卻是極盡老點！我差啲因此白蝕三十幾歐呀！好彩，上天見憐，最後冇事咋！
話說噚日我根據「歪妹愛旅行」嘅網上教路，買咗由雅典去天空之城嘅火車飛。買完之後，卻發現網上好多人都表示回程誤點後，要由十點多，搞到成十一點先番到雅典。但……我根據「歪妹」嘅指示，買到嘅，卻係八點幾就番到雅典嘅火車飛……越諗越唔對路，加上「歪妹」話自己搭嘅係直達車，我跟住佢買嘅卻要轉車，於是就send個message去問佢啦。佢當時仲唔知自己老點咗我，仲話應該冇問題，但隨即佢表示自己當時係去火車站買火車飛，並唔係於網上買……睇到呢到，我真係有啲嬲！佢唔係喺網上買但又熱心教人網上訂飛唔緊要，請寫清楚同查清楚先！自己都不清不楚，真係會害死人！佢答完我之後，就update自己個website，話自己當時係親身去火車站買飛……我見到佢張火車飛嘅車站名同佢所講嘅係唔一樣架！佢喺個blog到教人輸入「Larissa」做起點，但佢自己張飛卻係寫住「Athens」。我上網再search吓有冇其他人去過天空之城，發現有台灣背包友都買過去天空之城嘅火車飛，人家係以「Athens」為超點架！之後，我嘗試搵吓有關「Larissa」嘅資料，原來希臘真係有個地方叫「Larissa」！呢個時候，我可以肯定自己買錯火車飛！「歪妹」知道自己老點咗我之後，只係同我講咗句「唔好意思」，好一句「唔好意思」，價值34歐！我欣賞佢嘅熱心幫忙，但我覺得滿腔熱誠彌補唔到能力不足！自己冇試過，冇十足把握，請唔好隨便教路，真係會害死人架！佢知道自己老點我後，急急再update自己個blog，但其實呢個既然唔係佢嘅親身經歷，佢自己又唔係旅遊達人，寫出嚟做咩﹖！人家話「好奇殺死貓」，我而家話「虛榮害死人」呀！
肯定自己買錯火車飛後，我根據希臘國鐵個website嘅contact information，send咗封email俾佢哋，以為以希臘人嘅做事方式，要一、兩日後先會收到reply，正愁自己要擔心幾日時，對方竟然喺一、兩個鐘後就覆我。我之前因為擔心要等兩日先收到reply，仲問同事意見，然後對方remind我可以問歐陸旅運嘅職員，我仲厚顏地send咗封email俾Gary添。估唔到，希臘國鐵覆得仲快過Gary。對方表示「Larissa」係另一個city，叫我send張火車飛俾佢睇，我send完個link俾佢後，又等多一、兩個鐘，佢就話我買錯哂。我表示自己係想由雅典去天空之城嘅，佢就叫我要打「Athens」。呢個時候，Gary都覆我email，講嘅亦係相同嘅說話。後悔一開始唔搵Gary買火車飛，又或者問清楚佢先買，胡亂錯信網上嘅教路……不幸中嘅大幸係，我張火車飛唔係特價票，由於我早買嘅關係，希臘國鐵嗰邊可以幫我做cancellation，再refund番全數嘅traveler’s voucher俾我。對方得到我confirm要cancel後，又係一、兩個鐘後，就覆我做咗cancellation，兼俾埋個traveler’s voucher嘅number我。
是晚，喺拾爺陪同下，一齊買過兩張火車飛，睇清楚地方名，加上我事前已經問清楚希臘國鐵嘅人有關火車個班次號數，終於買番啱嘅火車飛喇！好彩正確嘅火車飛銀碼大過我之前錯買嘅，扣除traveler’s voucher後要再補錢，如果係買錯嘅貴啲，多出嘅就要白蝕喇，因為traveler’s voucher有期限，要六個月內用完……就算冇期限，我唔認為自己會再去希臘架喇。
擔心咗成日，今晚有覺好瞓！
2014 希臘 + 克羅地亞跳島之旅 – 預備篇 (Accomodations: 六)
買到去天空之城嘅火車飛後，就要落實Athens同天空之城嘅住宿。一早喺網上做咗research，知道火車站附近有一間三星同一間二星嘅酒店，前者喺正火車站對面，過條馬路就係，酒店房間仲可以望到個火車站。價錢方面唔太貴，連早餐都€46。後者就要行多一條街，但價錢好相宜，裝修ok，連早餐都只係€30！價錢好吸引！真係有諗過住二星嗰間，但一諗到該區治安唔太好，行多條街就多一分危險，而且住三星點都舒服過住二星，既然價錢都係喺可接受嘅範圍，最後都係揀咗三星嗰間。
搞掂雅典酒店，就到天空之城嘅住宿，住火車站附近係比較方便，但我同拾爺都情傾大石之下，所以改住Kastraki嘅Pyrgos Adrachti。Ground floor連balcony嘅房已經sold out，唯有挑樓上貴少少嘅住啦，住得呢到，一定要揀有balcony嘅！€69包早餐住三星，算係咁啦！
2014 希臘 + 克羅地亞跳島之旅 – 預備篇 (Transportation: 三)
噚日瞓足全日咁滯！食咗藥後，瞓覺唔再鼻塞塞醒，睡眠質素大有改善，連帶個人都冇咁病！
趁今日精神好番少少，上網搞埋個summer trip啲嘢。首先係買由Mykonos番Athens嘅船飛，本來係打算買去Rafina嘅，因為我唔想搭咁耐船……我怕暈浪……但最後都係改為買去Piraeus嘅船飛，因為由Piraeus番入市區方便好多！雖然我上網睇過有人教路由Rafina番去市區，但又要行一段路，又要搭巴士，再轉地鐵，我怕到時未必識路……如果冇巴士，可能要焗住打的……但Piraeus就唔同，行去地鐵站好近，之後就可以搭到去酒店個地鐵站，方便得多！
買完船飛就到去天空之城嘅火車飛！因為之前希臘國鐵個website未出到8月嘅火車schedule，所以由Mykonos番Athens後嘅交通同住宿我都未搞，跟住網上嘅blog教路，成功訂到去Kalambaka嘅火車飛。呢個trip嘅所有交通都搞掂哂啦，yeah~~~
Eat, Play, Love 